Om oss i Hillefast!
Hillefast er ei vidareføring av «Interesselaget for betre kommunikasjon Kvinnherad – Stord/E39″, som pådrivar foreining for å fremja plan for eit ferjefritt samband mellom Kvinnherad og Stord/E39. Dette etter at grunnundersøkinga med G.O.Sars / UiB gav positive resultat på at dette var fult mogeleg.
Vi i «Interesselaget for betre kommunikasjon Kvinnherad – Stord/E39″ har tidlegare blitt invitert av SVV (Statens vegvesen) som private forslagsstillarar til KVU E134 – Arm til Bergen, gitt innspel og deltatt på KVU-møter.
«Interesselaget for betre kommunikasjon Kvinnherad – Stord/E39» blei etablert som eit uregistrert lag i 2017, og planar for både undersjøisk tunell og bruforbindelse Halsnøy – Huglo blei jobba med og vurdert.
Både nye krav i tunell standarden N500 og Kystverkets krav til seglingshøgde på bru medførte at desse planane blei lagt vekk og at iden om Hillefast, eit ferjefritt samband mellom Kvinnherad via Hille til Stord blei satt på dagsorden!
Hillefast prosjektet er unik, der andre prosjekt må laga kunstige øyar for å laga seglingslei, ligger øya Hille (Hidle lokalt) klar til bruk. Dette medfører at ny seglingslei, utan høgderestriksjonar, kan etablerast øst av øya Hille der tunellen til Halsnøy går. På dette grunnlag kan flytebrua frå Hille til Stord byggjast kostnadseffektivt som ei lav flytebru og gjev store innsparingar og enklare tekniske løysingar.
Alt tidlegare arbeid i «Interesselaget for betre kommunikasjon Kvinnherad – Stord/E39″ og nå i «Hillefast foreining» er dugnad basert, og alle støtte, sponsor midlar og innkomande midlar er vedtekts messig bestemt skal gå til foreininga sitt formål!
Gerhard Eide
Styremedlem i Hillefast. Tidlegare styreleiar i Halsnøysambandet. Brei og lang teknisk leiarerfaring. mm.
Per Kristensen
Styremedlem i Hillefast. Med 25 år erfaring frå Det Norske Veritas / DNV-GL AS, siste år som principal surveyor. mm.
Geir Lasse Kjersem
Støttekontakt til Hillefast. Lang teknisk erfaring blant anna fra L.M.G. Marine AS med tekniske maritime konstruksjoner. mm.
Knut Førland
Støttekontakt til Hillefast. Lang og brei erfaring fra næringslivet, styreverv og entreprenørskap innan grøn omstilling. Styreleiar i Rosendal Utvikling. mm.
VIPPS til «HILLEFAST»
Alt arbeid utført på Hillefast-prosjektet er utført på dugnad og med bruk av personlege midlar fram til no!
Om De synest om prosjektet, og har moglegheit til å gi eit lite bidrag, er vi svært takknemleg!
Kan da vippes eit valfritt beløp til «Hillefast»
Under menyen «Hillefast dokument» finn de våre vedtekter som viser at alle inn-kommande midlar skal gå u-avkorta til foreininga sitt formål!